THEMO TITO
Me Agronin na lidhin shumë
fije. Për vite me radhë kemi qënë kolegë. Kemi ndarë bashkë kafshatën e gojës,
siç i thonë fjalës. Kemi ndarë bashkë të mirat e të ligat e kohës. I kemi vënë
shpatullat njëri – tjetrit dhe kemi mbijetuar. Shokë e miq. E dija projektin e
tij për këtë libër dhe e kisha inkurajuar, por nuk e kisha menduar se mund të
dilte një gjë e tillë, madhështore do të thoshja. Mendova thjesht një biografi,
por vërej me kënaqësi se libri i ka kaluar kufijtë e një libri thjesht familjar,
mbresa të birit për nënën që e solli në jetë. Jo, është diçka tjetër me vlera
për këdo që do të ketë kënaqësinë ta marrë në dorë e ta lexojë. Do të gjejë në
të jo thjeshtë jetën e një gruaje, por mesazhe me vlerë universale, dashurinë e
njeriut për veriu; do të shpaloset virtyti dhe do të biesh në mendime: vërtet
jeta është e vështirë, por njeriu me mirësinë dhe përpjekjen e vet, me
dashurinë dhe lidhjen e fortë me njerëzit gjen forca për ta jetuar jetën me
dinjitet dhe ta ndiejë veten të lumtur.
I uroj Agronit shëndet dhe
përgëzime për punën që ka bërë.
